Island View Resort

فندق جميل معامله حلوة من كل الناس فريق الانيمشن مثلي وممتع انبسطنا جدا والحفلات كانت جميله جدا ومتنوعه والأطفال انبسطت جد ا والأكل جيد وبرامج متنوعه كل يوم والغرف نضيفه بصراحه كانت رحله متنوعه هو في منطقه سوهوكمان للخروج ليلا وكانت معانا في فريق الانيمشن الجميله هيام كانت روحها حلوة وجميله وحبوبه انبسطنا معاها مع جميع الفريق لو جيت الفندق تاني عشان فريق الانيمشن وهيام الجميله

حمام سباحه كان رائع جدا والبحر والمطعم والاكل تحفه الڤيو كان ممتاز فريف الانيميشن كان رائع عمر الانيميشن الممتاز خلانا طول الوقت مبسوطين احمد اجمل حد في الشوه ودمه خفيف جدا وشيتوس ممتاز جدا شكرا جدا ايلند

فندق ممتاز جدا انصح الجميع بزيارته قريب جدا من سوهو سكوير يوجد به جميع الانشطه الغرف مريحه جدا و نظيفه لديهم اداره قادره على حل المشاكل في اسرع وقت نشكر مستر سعيد الحداد لسرعه الاستجابه و بزل المجهود لاسعاد النزلاء الاكل ممتاز و به تنوع في الاصناف

الفندق ممتاز من حيث المكان المميز وتنوع الوجبات والطقم كلهم ناس محترمين المشكلة فقط بعدة عن السوق القديم حيث هناك صعوبة فى الموصلات نرجو من الفندق توفير باص لنقل اى احد يريد الذهاب الى السوق القديم وشكرا لادارة الفندق

فندق سيئ جدا جدا. و غرف قديمه و ديكوراتها متهالكه سراير بها حشرات مراتب غير صالحه للنوم الاكل عادي الغرف بعيده جدا عن الريسبشن و المطعم و غير متوفر خدمه التنقل بستمرار. و لا يوجد حفلات بالفندق ولا انتيمشن لا يوجد بويلر و اكواب للشاي

ريفيو عن فندق Island view المميزات موقع الفندق ممتاز في خليج القرش بينه وبين السوهو سكوير أمتار معدوده. تقسيمه الفندق ممتازه ومريحه للعين تحس نفسك ماشي وسط فلل وشاليهات مش blocks كمان المساحات الخضراء جميله والمناظر فعلا خلابه حمامات السباحه كتير وجميله حوالي ه تقريبا وفيه ٢ لعبه أكوا للكبار وواحده أطفال مساحه الاوض حلوه وواسعه تعتبر family suite فيها ٣ سراير وكنبه وجزامه وتسريحه وتلاجه صغيره كمان البحر جميل جدا فوق الوصف لازم تكون معاك نظاره بحر أو mask علشان snorkling هناك تحفه بجد والميه من بدايه الشط صافيه والسمك الملون والشعاب المرجانيه من وانت ع المارينا بتشوفهم البارات في الاوتيل كتير اللي شغال فيهم ٤بمواعيد مختلفه الأكل كمياته كتيره وفيه لحمه وفراخ وسمك كل يوم وساعات ديك رومي وكابوريا ده غير أصناف الرز والمكرونه والسلطات والفاكهه والحلو. الحفلات يوميا بالليل فيه حفله مدتها ساعه تقريبا ولكن لذيذه وممتعه وخصوصا للأطفال.تاني يوم اقامه كان عيد ميلاد ابني جابولنا تورته صغيره من غير مانلفت نظرهم وده فرح ابني كتير. العيوب بقي أولها الأكل بكل أنواعه ملهوش طعم الديك الرومي ني والفراخ أحيانا فيها دم اللحمه معظم الوقت مسلوقه بمعنى الكلمه بدون شوي أو تحمير مع انك تشوف الشوايه والفحم شغاله ولكن في الطعم مش باين السمك ريحته مش حلوه معظم الوقت يوم ٢٨ /٩ في الغدا فقط كان الأكل حلو غالبا كان شيف مختلف عن باقي الأيام كمان مره عملوا كفته معقوله الجاتوه صنعته مش حلوه والحلويات الشرقيه تقريبا مفيش الحاجه الوحيده الحلوه وقليله التمريه غير كده لأ. تقريبا معظم اقامتي هناك علي الخضار والفاكهه والسلطات الفطار كان أفضل وجبه هناك بالرغم من المخبوزات غير المتنوعه والكسكسي زايد السوا ولكن فيه زبادي وفاكهة ومربي وخضروات متنوعه . تاني أسوء شئ هناك هو معامله بعض الشيفات للنزلاء المصريين بالتحديد زي اللي بيقدم الشوربه وواحد لابس نظاره في البار اللي عند الأكوا عبوسين واسلوبهم مش حلو مع المصريين. من أفضل الشخصيات هناك مدير المطعم أ أمير طلبه راقي ومحترم وبيسمع أي شكوي بإنصات وصدر رحب. أثاث الأوض قديم ولكن النظافه مستواها حلو فيه بعض الناس اشتكت من الناموس والتكييف البايظ في الأوض عندي كانت التلاجه صغيره جدا وتسقيعها ضعيف كان اتبسطنا فيه لأن الأكل مش كل حاجه لازم نشوف الإيجابي من الموضوع كمان البحر تحفه قوي بجد وانظافه هناك كويسه ولكن قله زوق عامل البار هي اللي بجد مضايقاني لأنه كل شويه يقول بصوت عالي أنا تعبت من المصريين أو المصريين هيجننوني مع ان الأجانب عاملين هناك زي المقاطيع ع الأكل والبارات. تقييمي للفندق 8/10

شكرا لجميع العاملين بقسم الأغذية والمشروبات وشكرا ل الشيف ايهاب الدالى والشيف خالد والعاملين بالمطعم مستر أمير طلبه ومستر محمد المحمدي وشكرا خاص ل مستر سعيد سعد ومستر ايهاب عماره الأكل ممتاز ومتنوع والبوفيه ممتاز

الفندق ممتاز والأستاف ممتاز و احترام فوق الوصف الطعام رائع جدا و بنشكر طاقم المطعم و المطبخ و خصوصا السيد سعيد و الشيف خالد الفندق رائع و الشاطئ و حمام السباحه رائع جدا وبنشكر طاقم الرسيبشن تعاملهم كان رائع جدا وناس محترمه فوق الوصف واكيد راجعين مرة تانيه

شكرا لجميع العاملين بالفندق وخاصة قسم الاغذيه والمشروبات بالفندق وخاصة الشيف خالد والشيف إيهاب الدالى شكرا جزيلاً ومستر سعيد سعد على الاهتمام الخاص بنا وتسهيل الاقامه كما هو متوقع وشكر خاص لجميع العاملين بالمطعم